സേവകരൂപത്തിലെത്തിയ ദേവതാ ഗണം.

റോഡ് വൃത്തിയാക്കുന്ന പ്രവർത്തകർ

"ദൈവത്തിന്റെ സ്വന്തം നാട്" എന്ന് വിളിക്കപ്പെടുന്ന കേരളം എല്ലായ്‌പ്പോഴും വിനോദസഞ്ചാരികളെ മാത്രമല്ല, വിവിധ സ്ഥലങ്ങളിൽ നിന്നുള്ള സന്യാസിമാരെയും തീർഥാടകരെയും സദാ ആകർഷിക്കുന്ന സ്ഥലമാണ്, എന്നാൽ ഇത്തവണ അത് മഴദൈവത്തിന്റെ കോപം, ഏറ്റു വാങ്ങിയതായി കണ്ടു.2021 ഒക്ടോബർ 16-ന്, കേരളത്തിൽ അഭൂതപൂർവമായ മഴയും വെള്ളപ്പൊക്കവും ഉണ്ടായി. പുലർച്ചെ 5 മണിക്ക് തുടങ്ങിയയ മഴ ഉച്ചയോടെ, ശക്തിയാർജിച്ച് പെയ്ത് കന്നുകാലികളേയും, കിടക്കകൾ പാത്രങ്ങൾ തുടങ്ങിയ എല്ലാ വീട്ടുസാധനങ്ങളേയും വിവിധ ദിക്കുകളിലേക്ക് ഒഴുക്കിക്കോണ്ടു പോയി!. റോഡുകൾ ഇല്ലാതായി, ഗതാഗതം സാധ്യമല്ലാതായി. ചെളി നിറഞ്ഞ കുളങ്ങളിൽ നിന്നും മറ്റ് ഭാഗങ്ങളിലും ചെളി നിറയാൻ തുടങ്ങി.  വാഹനങ്ങൾ ഓടിക്കുന്നത് ചിന്തിക്കുവാൻ പോലും പറ്റാതായി, എന്തിന്  കാൽനടയാത്ര പോലും അപകടകരമായി. ബുദ്ധിമുട്ടിനാൽ ആളുകൾ എന്ത്  ചെയ്യണമെന്നറിയാതെ പകച്ചുപോയിരുന്നു. വെള്ളപ്പൊക്കത്തിൽ കുടുങ്ങിയവരെ സഹായിക്കാനുള്ള വഴികൾ കണ്ടെത്താൻ സർക്കാരും  ശ്രമിക്കുന്നുണ്ടായിരുന്നു. ഇടുക്കി, കോട്ടയ൦, പത്തനംതിട്ട മേഖലകളിലാണ് കൂടുതൽ നാശനഷ്ടമുണ്ടായത്.തൽസമയം അവരുടെ രക്ഷയ്ക്കായി  കേരള സേവാഭാരതിയുടെ പ്രവർത്തകർ ദേവതാ രൂപത്തിൽ അവിടെ ഓടിയെത്തി.

കക്കയാറിൽ താൽക്കാലിക പാലം പണിയുന്ന പ്രവർത്തകർ

വെള്ളപ്പൊക്കം ഏറ്റവും കൂടുതൽ ബാധിച്ച പ്രദേശങ്ങളിൽ 600 പ്രവർത്തകർ എത്തി കാര്യങ്ങൾ ക്രമീകരിക്കാൻ തുടങ്ങി. ചെയ്യേണ്ട കാര്യങ്ങളുടെ പട്ടിക വളരെ നീണ്ടതായിരുന്നിറ്റും, പ്രവർത്തകർ വേഗത്തിലും വിവേകത്തോടെയും നടപ്പിലാക്കാൻ ക്ഷണംകൊണ്ടു തയ്യാറായി. ആദ്യം, കിണറുകളിളും വീടുകളിളും റോഡുകളിലും ഉള്ള അവശിഷ്ടങ്ങൾ അവർ വൃത്തിയാക്കി, തുടർന്ന് ഭക്ഷണപ്പൊതികളും കിടക്കകളും വിതരണം ചെയ്തു. അവർ താൽക്കാലിക പാലങ്ങളും ഉണ്ടാക്കി. ഇതിനെല്ലാം വളരെയധികം കഠിനാധ്വാനവും, കാര്യകർത്താക്കളുടെ ഏകോപനവും ആവശ്യമായിരുന്നു.

കടകളിലെ ചെളി വൃത്തിയാക്കുന്ന പ്രവർത്തകർ

ഒക്‌ടോബർ 17-ന് 16 കുടുംബങ്ങൾ വീടുകളിലേക്ക് മടങ്ങിയെങ്കിലും വീടിനുള്ളിലെ അവസ്ഥ കണ്ട് പരിഭ്രാന്തരായി. മണ്ണും അവശിഷ്ടങ്ങളും നിറഞ്ഞ് വീട്ടുപകരണങ്ങളെല്ലാം ഉപയോഗശൂന്യമായിരുന്നു. എങ്ങനെ, എവിടെ തുടങ്ങണം എന്നറിയാതെ പകച്ച് കണ്ണുനീർ പൊഴിഞ്ഞു.  അവരെ സഹായിക്കാൻ പ്രവർത്തകരും എത്തി. വീട്ടുടമകളും പ്രവർത്തകരും ചേർന്ന് വീടുകൾ വൃത്തിയാക്കി. 5 അടിയോളം ചെളി നിറഞ്ഞതിനാൽ ഇത് എളുപ്പമുള്ള കാര്യമായിരുന്നില്ല, എന്നിരുന്നാലും  ചുരുങ്ങിയ സമയത്തിനുള്ളിൽ അവ താമസയോഗ്യമാക്കി മാറ്റി.

കൂട്ടിക്കൽ, കൊക്കയാർ, മണിമല തുടങ്ങിയ  5 പഞ്ചായത്തുകളിലെ ജന ജീവിതം പുനരാരംഭിക്കുന്നതിനായി തുടർന്ന് പ്രവർത്തിച്ചു. മൊത്തം 450 വീടുകളിൽ 310 കിണറുകളിൽ നിരവധി ചെറുകിട ഫാക്ടറികളിൽ പിന്നെ, റോഡുകളിലും വീണതായ മരങ്ങളും ചെളിയും നീക്കം ചെയ്തതായി സേവാഭാരതിയുടെ കാര്യകർത്താവ് (വോളന്റീർ) ജിദിൻ രമേഷ് വിശദീകരിക്കുകയുണ്ടായി. ഗ്രാമവാസികൾക്കൊപ്പം പ്രവർത്തകരും യുദ്ധകാലാടിസ്ഥാനത്തിൽ പ്രവർത്തിച്ചു, കൊക്കയാറിൽ കാര്യങ്ങൾ സാധാരണ രീതിയിലേക്ക് മാറിത്തുടങ്ങി. ഗ്രാമപഞ്ചായത്ത് അംഗം  അദ്ഭുതപ്പെട്ടിരിക്കെ സ്വയംസേവകർ അവരുടെ പതിവ് കാക്കി വസ്ത്രം ധരിച്ച് തകർന്ന പാലം സ്ഥാപിക്കാൻ ഉടൻ പോയി. ഗ്രാമത്തെ പുറം ലോകവുമായി ബന്ധിപ്പിക്കുന്ന ഈ പാലം ഗ്രാമത്തിന് വളരെ പ്രധാനമായിരുന്നു. മരത്തൂണുകളും മറ്റ് പ്രാദേശിക വിഭവങ്ങളും ഉപയോഗിച്ച് 12 മീറ്റർ നീളമുള്ള ഒരു താൽക്കാലിക പാലം പ്രവർത്തകരും ഗ്രാമവാസികളും ചേർന്ന് സ്ഥാപിച്ചു. ഗ്രാമ പഞ്ചയത്ത് മെമ്പർ പറയുന്നതനുസരിച്ച്, "പാലം നിർമ്മിച്ചത് ഗ്രാമീണർ നൽകിയ വിഭവങ്ങൾ കൊണ്ടല്ല, മറിച്ച് പ്രവർത്തകരുടെ കഠിനാധ്വാനം കൊണ്ടാണ്."

ഗ്രാമത്തിൽ ഒരു ക്ഷേത്രം ഉണ്ടായിരുന്നു, നാലടിയോളം ഉയരത്തിൽ ചെളി മൂടിയതു കാരണം കുടുങ്ങിയ, വാതിൽ തുറക്കാൻ സഹായിച്ചത് സേവാഭാരതി പ്രവർത്തകരായിരുന്നു. നാരായൺ ധർമ്മ യോഗ് ആശ്രമത്തിലെ ശിഷ്യന്മാർ ഈ പ്രവർത്തനത്തിൽ വികാരധീരരായി. കാര്യകർത്താക്കൾ ക്ഷേത്രം മാത്രമല്ല, സമീപത്തെ കിണറും വൃത്തിയാക്കി. ഈ ഉദ്യമം കണ്ട ഗ്രാമത്തിലെ ഒരു പ്രമുഖൻ ഒരാളായ  ഒരു തൊഴിലാളിയെയും പമ്പും പ്രവർത്തകർക്ക് നൽകി സഹായിച്ചു.

സേവാഭാരതി പ്രവർത്തകർ ശുചീകരണത്തിൽ മാത്രം ഒതുങ്ങാതെ 250 ഓളം കുടുംബങ്ങൾക്ക് ദിവസവും ഭക്ഷണം നൽകി വന്നു . ആവശ്യമായ പാത്രങ്ങൾ, കിടക്കകൾ, ഗ്യാസ് സിലിണ്ടറുകൾ, സ്റ്റൗ, കൊതുകുവലകൾ എന്നിവയും വിതരണം ചെയ്തു. മതവേർതിരിവില്ലാതെ നിസ്വാർത്ഥമായ പ്രവൃത്തികൾ ചെയ്യുന്നത് കണ്ട ഒരു ക്രിസ്ത്യൻ സ്ത്രീയായ ഷെല്ലി തോമസ് പ്രചോദനം പൂണ്ട് തന്റെ വീട്, സേവാഭാരതി ഓഫീസായി പ്രവർത്തിക്കാൻ നല്കി.

അതിനിടയിൽ മരങ്ങളും പാറകളും വീണ് ഗതാഗതം സ്തംഭിച്ച റോഡുകൾ വൃത്തിയാക്കാൻ കുറെ ഉണ്ടായിരുന്നു. സേവാഭാരതി പ്രവർത്തകർ 12 റോഡുകൾ വൃത്തിയാക്കി ഉപയോഗയുക്തമാക്കി, കൂടാതെ കഴിയുന്നത്ര വേഗം, ഗ്രാമങ്ങളിൽ ജനജീവിതം സാധാരണ നിലയിലാകുമെന്നും ഉറപ്പുവരുത്തി.