മറ്റുള്ളവർക്ക് ജീവൻ നൽകുന്നവന്റെ ജീവിതമാണ് അതി വിശിഷ്ടമായ ജീവിതം

17 വയസ്സ് ലോകം വിടാനുള്ള പ്രായമല്ല. പക്ഷേ, അവൻ മരണത്തിന് മുന്നിൽ ധീരനായി നിൽക്കുകയായിരുന്നു. അവൻ ഒഴിഞ്ഞ പാത്രങ്ങളും വടികളും ഉപയോഗിച്ച്, മരണത്തിന്റെ വായിൽ നിന്നും പുറത്തെടുത്ത ആ കുഞ്ഞുങ്ങൾ, കരഞ്ഞു തളർന്നവശരായിരുന്നു. 17 കാരനായ കിഷോർ സ്വയംസേവക്, മനോജ് ചൗഹാന്റെ ജീവനറ്റ ശരീരം, 2005 ഓഗസ്റ്റ് 7-ന് ഇൻഡോറിലെ മാരുതി നഗറിൽനിന്ന് അവസാന ആചാരങ്ങൾക്കു വേണ്ടി ഉയർത്തിയപ്പോൾ, ഇൻഡോർ മുഴുവൻ കണ്ണീരിലാഴ്ന്നു. ബസ്തിയിലെ വീടുകളിൽ അടുപ്പ് രണ്ട് ദിവസത്തേക്ക് കത്തിയില്ല. റിപ്പബ്ലിക് ദിനത്തിൽ യുനീക് ബ്രേവറി അവാർഡ് നൽകി ആദരിച്ച രക്തസാക്ഷി മനോജ് ചൗഹാന്റെ കഥ യുവാക്കളെ രാജ്യത്തിന് വേണ്ടി ജീവിക്കാൻ പഠിപ്പിക്കുന്നു.  മഴവില്ല്, സ്വപ്നങ്ങളുടെ ലോകം അലങ്കരിക്കുന്ന പ്രായമായ യൗവനത്തിൽ മനോജ്, 18 പേരുടെ ജീവൻ രക്ഷിക്കവേ മരണത്തിലേക്ക് നടന്നു നീങ്ങുകയായിരുന്നു.

ഇതു സംഭവിച്ചിട്ടു കുറച്ചു കാലമായി. 18 വർഷങ്ങള്ക്ക് മുമ്പ്, 2005 ഓഗസ്റ്റ് 01 ന്, മഴവെള്ളം ഹോളോകോസ്റ്റായി മാറിയപ്പോൾ ഇൻഡോറിലെ താഴ്ന്ന ജനവാസ കേന്ദ്രങ്ങളിലേക്ക് വെള്ളം ഇരച്ചു കയറുകയായിരുന്നു. ബാണ്ഗംഗയിൽ സേവർറോഡിലെ അത്തരം ചേരികളിലൊന്നായിരുന്നു മാരുതി നഗർ. ഈ ജനവാസകേന്ദ്രത്തിൽ പാത്രങ്ങൾ, കിടക്കകൾ, കൊതുകുവലകൾ എന്നിവയ്‌ക്കൊപ്പം ചെറിയ കുട്ടികളും ഒഴുകിപ്പോകാൻ തുടങ്ങുന്ന തരത്തിൽ വീടുകളിലേക്ക് വെള്ളം കയറി. സഹായത്തിനായി ഭരണകൂടം ഈ കോളനിയിൽ എത്തുന്നതിനു മുമ്പേ, ടൗൺഷിപ്പിൽ സംഘത്തിന്റെ സ്ഥിരംശാഖ സ്ഥാപിച്ചിരുന്ന മനോജ്, സഹപ്രവർത്തകരായ ബാബൻ പാണ്ഡെ, സുരേഷ് ബത്ത എന്നിവരുമായി ചേർന്ന് രക്ഷാപ്രവർത്തനം ആരംഭിച്ചിരുന്നു. ഒഴിഞ്ഞ ടിൻ കാനിസ്റ്ററുകളും ലാറ്റുകളും ട്യൂബുകളും ശേഖരിച്ച് അവരുടെ സഹായത്തോടെ അപകടത്തിൽ പെട്ടവരുടെ ജീവൻ രക്ഷിക്കാൻ പുറപ്പെട്ടു.

കൊച്ചുകുട്ടികളെ വീട്ടിൽ നിന്ന് ഇറക്കി സുരക്ഷിത സ്ഥാനങ്ങളിലെത്തിക്കുമ്പോൾ മനോജിന്റെ കാതുകളിൽ പ്രതിധ്വനിക്കുന്നത് രാഷ്ട്രീയ സ്വയംസേവക സംഘത്തിന്റെ നഗര സമ്പർക്ക മേധാവി ഡോ.ആനന്ദ് പ്രകാശ് മിശ്രയുടെ മുന്നറിയിപ്പുകളായിരുന്നു. മനോജ്, നിങ്ങളുടെ ഹൃദയവാൽവുകൾക്ക് കേടുപാടുകൾ സംഭവിച്ചിട്ടുണ്ട്, വെള്ളത്തിൽ നിന്ന് അകന്നു നിൽക്കുക, കഠിനാധ്വാനം ചെയ്യരുത്, അല്ലെങ്കിൽ അത് നിങ്ങൾക്ക് മാരകമായേക്കാം. എന്നാൽ ക്രമേണ ഈ ശബ്ദങ്ങൾ മനോജിന്റെ ചെവിയിൽ നിന്ന് അപ്രത്യക്ഷമാകാൻ തുടങ്ങി, ശാഖയിൽ ദിവസവും പാടുന്ന ഗാനത്തിന്റെ വരികൾ പ്രതിധ്വനിക്കാൻ തുടങ്ങി...."സേവാ ഹേ യഗ്യാ കുണ്ഡ് സമിദ സം ഹം ജലേൻ". ഇതിനർത്ഥം സേവനത്തിന്റെ അഗ്നിയിൽ നാം പരമമായ ത്യാഗം ചെയ്യാൻ ആഗ്രഹിക്കുന്നു.   പുലർച്ചെ 4 മുതൽ അർദ്ധരാത്രി 12 വരെ മനോജ് ദുരിതബാധിതരായ കുടുംബങ്ങളെ സഹായിച്ചു.ദേശാഭിമാനിയായ ഈ യുവാവ് ഭയാനകമായ വെള്ളത്തിന്റെ പിടിയിൽ നിന്ന് 18 പേരെ സുരക്ഷിതമായി പുറത്തെടുത്തു, പക്ഷേ അപ്പോഴേക്കും അവന്റെ ശ്വാസകോശത്തിൽ വെള്ളം നിറയാൻ തുടങ്ങിയിരുന്നു. എന്നിട്ടും അടുത്ത ദിവസം ടൗൺഷിപ്പിലെ കുടുംബങ്ങളുടെ ആവശ്യങ്ങളുടെ ലിസ്റ്റ് തയ്യാറാക്കി റേഷനും മറ്റും എത്തിക്കുന്ന ജോലിയിൽ മുഴുകി.

കേശവ് നഗറിലെ അന്നത്തെ സിറ്റി എക്‌സിക്യൂട്ടീവായ അനിൽ പഞ്ച്‌വാൾ പറയുന്നു, "മനോജിന്റെ തളർച്ചയുള്ള ശരീരം വളരെയധികം അധ്വാനിച്ചാണ് പ്രതികരിച്ചത്. ന്യുമോണിയ ശരീരത്തിൽ വളരെയധികം പടർന്നു, ആശുപത്രിയിൽ പ്രവേശിപ്പിക്കേണ്ടിവന്നു, രണ്ട് ദിവസത്തേക്ക് മാത്രമാണ് മനോജ് ഈ രോഗത്തിൽ നിന്ന് മുക്തി നേടിയത്. "എനിക്ക് ജീവിതയുദ്ധം നഷ്ടപ്പെട്ടു". അവശനായ പിതാവ് ഉംറാവു സിംഗ് ചൗഹാനെയും മാനസികമായി തളർന്ന സഹോദരൻ സോനുവിനെയും കരയുന്ന അമ്മയെയും ഉപേക്ഷിച്ച് മനോജ് കണ്ണടച്ചപ്പോൾ മാരുതി നഗറിലെ വീടുകളിൽ രണ്ട് ദിവസമായി അടുപ്പ് കത്തുന്നില്ല. മനോജിനെ അനുസ്മരിച്ചുകൊണ്ട് അതേ കോളനിയിൽ താമസിക്കുന്ന ലക്ഷ്മീദേവി പറയുന്നു, "ദൈവം അയച്ച ഒരു ദൂതനായിരുന്നു ആ കുട്ടി, എന്റെ ഏഴുവയസ്സുള്ള കൊച്ചുമകനെ തന്റെ ജീവൻ പണയപ്പെടുത്തിയാണ്  നടുവെള്ളത്തിൽ നിന്ന് കരകയറ്റിയത്". മരണസമയത്ത്, ഇയാളുടെ പോക്കറ്റിൽ നിന്ന് ഒരു ലിസ്റ്റ് കണ്ടെത്തി, അതിൽ ദുരിതങ്ങൾ അനുഭവിക്കുന്ന കുടുംബത്തിലെ അംഗങ്ങളുടെ പേരും ആവശ്യമായ സാമഗ്രികളും എഴുതിയിരുന്നു.

2007-ൽ മനോജ് ചൗഹാന്റെ അതുല്യമായ ധീരതയ്ക്ക് റിപ്പബ്ലിക് ദിനത്തിൽ അദ്ദേഹത്തെ ആദരിക്കാൻ ചൈൽഡ് വെൽഫെയർ കൗൺസിൽ ഓഫ് ഇന്ത്യ തീരുമാനിച്ചപ്പോൾ, മനോജ് ഇഹലോകവാസം വെടിഞ്ഞ് 2 വർഷം പിന്നിട്ടിരുന്നു. ഈ അവാർഡിനായി രാഷ്ട്രപതിക്ക് കത്തെഴുതുകയും അനുബന്ധ നടപടികൾ പൂർത്തിയാക്കുകയും ചെയ്ത നഗരത്തിലെ പ്രശസ്ത ചാർട്ടേഡ് അക്കൗണ്ടന്റ് രാധേശ്യാം സൊമാനി,  ഡോ. ശൈലേന്ദ്ര ജെയിൻ മനോജിനെ ഓർത്തു വികാരഭരിതരായിട്ടിങ്ങനെ രേഖപ്പെടുത്തി. റിപ്പബ്ലിക് ദിനത്തിൽ ആനപ്പുറത്ത് ഇരിക്കാൻ മനോജിന് കഴിഞ്ഞില്ല, എന്നാൽ ഇൻഡോറിലെ ജനങ്ങളുടെ ഹൃദയത്തിൽ എന്നെന്നേക്കുമായി ബഹുമാനത്തിന്റെ പ്രതീകമായി മാറികഴിഞി രിക്കുന്നു .

ബന്ധപ്പെടുക :– അശോക് അധികാരി

മൊ.നമ്പർ. :- 91 93008 98166